Þungt í lögreglumönnum í kjölfar uppsagnar

Jóhann R. Benediktsson lögreglustjóri á Suðurnesjum tilkynnti á fundi með lögreglumönnum embættisins að hann hefði óskað eftir fundi með ráðherra til að ræða starfslok sín, þetta kemur fram á vef Víkurfrétta.

Þar er einnig haft eftir Eyjólfi Kristjánssyni fulltrúa lögreglustjóra að verið væri að brjóta niður áratuga starf með þessari einhliða ákvörðun dómsmálaráðuneytisins að leysa upp nýsameinað embætti Lögreglunnar á Suðurnesjum.

Lögreglumenn funduðu sín á meðal eftir fundinn og var þungt í þeim hljóðið. Formaður Lögreglufélags Suðurnesja sagði meðal annars að það væri í takt við stemmninguna að ákveðið hafi verið að fresta árshátíð félagsins sem átti að halda þann 19. apríl næstkomandi.

• 1 blogg um fréttina

Bloggað um fréttina

• Guðmundur Jónas Kristjánsson: Dómsmálaráðherra hlusti á lögregluna !