Boðað til fundar með Al Gore
Setja bókamerki
Al Gore, fyrrverandi varaforseti Bandaríkjanna og Nóbelsverðlaunahafi, flytur fyrirlestur á opnum fundi um umhverfismál sem haldinn verður á vegum Glitnis og Háskóla Íslands í Háskólabíói að morgni þriðjudagsins 8. apríl kl. 8:00.
Fundarstjóri verður Kristín Ingólfsdóttir, rektor Háskóla Íslands. Al Gore verður staddur á Íslandi dagana 7.-8. apríl í boði forseta Íslands, Ólafs Ragnars Grímssonar.
Í fréttatilkynningu frá Glitni segir að Glitnir sé að vinna að fjölmörgum spennandi málum í Bandaríkjunum með leiðandi fyrirtækjum í fjármálaþjónustu við jarðvarmaverkefni. Bankinn starfar alþjóðlega með fjölda aðila sem fjalla um og koma að þróun endurnýjanlegra orkugjafa og hefur starfsemin vakið athygli meðal ýmissa málsmetandi fyrirtækja og einstaklinga, þar með talið Al Gore.
Vegna takmarkaðs sætafjölda þurfa þeir sem hyggjast taka þátt að skrá þátttöku á heimasíðu Glitnis, www.glitnir.is eða með því að hringja í síma 440 4000. Sæti eru númeruð, þátttakendur þurfa að nálgast miða í útibúi Glitnis að Kirkjusandi eigi síðar en 4. apríl nk.
Máttu ekki auglýsa „mesta úrvalið“ og „besta verðið“
„Umferðin greinilega að þyngjast“
Fyrsti ríkisstjórnarfundurinn hafinn
„Nánast aftakaveður þegar hryðjurnar ganga yfir“
„Á allt sitt undir því að njóta trausts almennings“
JBT Marel muni einblína á tekjusamlegð
Fjallvegir á Vestfjörðum og víða um land á óvissustigi