Handalögmál í Ártúnsbrekku

Nokkrir af æðstu yfirmönnum lögreglunnar á höfuðborgarsvæðinu eru nú í Ártúnsbrekkunni, sem er lokuð vegna aðgerða vörubílstjóra, og reyna þeir að telja forsvarsmenn bílstjóranna á að hætta að stöðva umferð um brekkuna en hún er nú lokuð í báðar áttir vegna aðgerða bílstjóranna.

Mikill hiti er í bílstjórum á svæðinu og segja þeir forsvarsmann sinn Sturlu Jónsson hafa verið handtekinn en hann situr inni í lögreglubíl á svæðinu. Til handalögmála kom er lögregla hugðist fjarlægja annan bílstjóri sem neitaði að fara að fyrirmælum lögreglu og færa bíl sinn. Aðrir bílstjórar reyndu þá að koma í veg fyrir að hann yrði fluttur inn í lögreglubíl. 

Lögregla hefur ekki staðfest að neinn hafi verið handtekinn.  

• 7 blogg um fréttina

Bloggað um fréttina

• Alexandra Briem: Algjörlega óþolandi.
• Hermann Karl Björnsson: ekki bara vörubílstjórar
• Sigurjón Benediktsson: Eldsneyti er ekkert dýrara hér en annarsstaðar!
• Bergur Thorberg: Elsta lögmálið?
• Guðrún Fanney Einarsdóttir: spennandi;)
• Pétur Kristinsson: Týpískt með lögguna.
• Þorsteinn Valur Baldvinsson: Gætið meðalhófs