Evrópu ekki skipt

„Það er varasamt að gefa út þau skilaboð að það sé búið að skipta Evrópu upp í áhrifasvæði þar sem eitt tiltekið ríki geti haft áhrif á hvort önnur ríki gerist aðilar að svona bandalagi,” sagði Geir H. Haarde forsætisráðherra í samtali við fréttavef Morgunblaðsins um ágreining um aðild Georgíu og Úkraínu að aðildarferli Nató.

Leiðtogafundur Nató hófst í dag í Búkarest í Rúmeníu. Tvö mál ber hæst á fundinum, aðild Georgíu og Úkraínu að að Atlantshafsbandalaginu og staðan í Afganistan. Rússar hafa lýst harðri andstöðu við umsókn Georgíu og Úkraínu að Nató. Innan bandalagsins er einnig andstaða við stækkun og telja Þjóðverjar, Frakkar, Ítalir og fleiri ríki að aðild þessara tveggja ríkja sé ekki tímabær.

Bush forseti Bandaríkjanna kom í gær til Rúmeníu frá Úkraínu þar sem hann lýsti eindregnum stuðningi við aðild landsins að Nató.

• 6 blogg um fréttina

Bloggað um fréttina

• Jóhannes Ragnarsson: Glaðbeittur félagsskapur
• Alfreð Símonarson: David Icke hefur margar magnaðar skoðanir á valdnýðslu nútímans
• G. Valdimar Valdemarsson: Er Geir að ná þessu?
• Markús frá Djúpalæk: Pirr yfir heiðursmannasamkomulagi
• Hallur Magnússon: Hvaða utanríkisráðherra hefur staðið sig bezt á undanförnum árum?
• Geir G: Óþreyttur