OR hefur enga ákveðna kaupendur í huga

Eiríkur Hjálmarsson, upplýsingafulltrúi Orkuveitu Reykjavíkur, segir frétt sem birt er á vísi.is í dag um sölu Orkuveitu Reykjavíkur á gömlum líkamsræktartækjum vera þvætting. í fréttinni er haft eftir Sigrúnu A. Ámundadóttur, ritara hjá Orkuveitunni, að um sé að ræða gömul tæki sem tilvalin séu fyrir fólk á landsbyggðinni.

Eiríkur segir ekkert hæft í fréttinni annað en það að umrædd tæki hafi verið auglýst til sölu. Fyrirtækið  hafi hins vegar alls enga ákveðna kaupendur í huga og Sigrún, sem sjálf sé landsbyggðarkona, kannist ekki við að hafa sagt það sem eftir henni er haft.

• 1 blogg um fréttina

Bloggað um fréttina

• Haraldur Bjarnason: Rangar og illa skrifaðar fréttir á vefmiðlunum