Beðið eftir gróanda

Sumum þykir hann hafa blásið nokkuð stíft að norðan að undanförnu og sums staðar heyrist tal um kaldan vetur en allt er þetta orðum ofaukið og jarðræktarsérfræðingar, ráðunautar og aðrir túnsérfræðingar víðs vegar um land hafa ekki heyrt af skemmdum á túnum og telja almennt litla hættu á kali í vor.

Líðandi vetur er sá kaldasti síðan 2002 en hitinn hefur samt verið í meðallagi, að sögn Trausta Jónssonar veðurfræðings. Hann bendir reyndar á að miklu oftar hafi verið kaldara á vetrum en hlýrra og í því samhengi hafi hann verið hlýr að þessu sinni.

Árni Snæbjörnsson hjá Bændasamtökunum segir að lítið sem ekkert hafi enn heyrst um ástand túna og venjan sé sú að meðan svo sé´ sé allt í lagi. Hins vegar skýrist málið ekki fyrr en í byrjun gróanda, því þó að einhvers staðar sé slæmt útlit á þessum tíma sé misjafnt hvernig úr rætist.