Össur: „Við héldum lífi"

„Við urðum ekkert sérstaklega varir við þetta en fréttum strax af þessu því við vorum að ferðast um borgina með ýmsum ráðherrum," sagði Össur Skarphéðinsson iðnaðarráðherra sem er staddur í Jemen en al-Qaeda gerði flugskeytaárás á bústaði vesturlandabúa í Borginni Sanaa í gærkvöldi.

„Við vorum að koma frá utanríkisráðherranum og fórum í gegnum alla borgina og sáum ekki sérstaklega mikið af lögreglumönnum eða hermönnum," sagði Össur í samtali við Fréttavef Morgunblaðsins.

Össur mun einnig funda með forsætisráðherra landsins og ræða við hann bæði um samstarf landanna á sviði orkuvinnslu og einnig um umsókn Íslands að öryggisráði Sameinuðu Þjóðanna.

Össur heldur síðar í dag til Djibúti og síðar áfram til Eþíópíu í sömu erindum. 

• 3 blogg um fréttina

Bloggað um fréttina

• Vefritid: Hvað þarf marga Hafnfirðinga til að kjósa alþingismann?
• Dofri Hermannsson: Öryggisráð nr. 1
• Jenný Anna Baldursdóttir: Einu sinni byrjað, þú getur ekki hætt