Nýtt búsetuúrræði fyrir fólk sem þarf stuðning

Velferðarráð Reykjavíkurborgar samþykkti í dag að ganga til samninga við Heilsuverndarstöðina/Al hjúkrun um rekstur á nýju búsetuúrræði með félagslegum stuðningi fyrir allt að 20 einstaklinga. Búsetuúrræðið er samvinnuverkefni velferðarsviðs og félags- og  tryggingamálaráðuneytisins.

Að sögn velferðarsviðs er um  að ræða búsetuúrræði fyrir allt að 20 einstaklinga sem hætt hafa neyslu áfengis- og/eða vímuefna en þurfi á umtalsverðum stuðningi að halda til að ná tökum á lífi sínu.

Úrræðinu sé ætlað að veita einstaklingum húsaskjól, félagslegan stuðning og endurhæfingu þannig að hlutaðeigandi einstaklingar geti búið sjálfstætt án vímugjafa og tekið virkan þátt í samfélaginu. 

• 1 blogg um fréttina

Bloggað um fréttina

• hofy sig: Frábært framtak