Risaborar ljúka verki sínu við Kárahnjúka

Gríðarlegur fögnuður braust út þegar risabor Impregilo rauf síðasta berghaftið í Jökulsárgöngum austan Snæfells um hádegisbil í dag.  Kínverski borflokkurinn kom út í gegnum krónu borsins þegar komið var í gegn og var skálað í kampavíni.

Aðeins skeikaði 10 sentimetrum, að borkrónan hitti í gatið samkvæmt mælingum og þykir það afbragðsgott. 

Síðar í dag verður slegið í gegn í Kelduárgöngum Hraunaveitu en þau voru boruð og sprengd með hefðbundnum hætti.

Þrír risaborar hafa verið í heilborun aðrennslisganga virkjunarinnar, sem flytja vatn úr Jökulsá á Dal og Jökulsá á Fljótsdal til stöðvarhúss virkjunarinnar, Fljótsdalsstöðvar.

• 1 blogg um fréttina

Bloggað um fréttina

• Þórey Birna Jónsdóttir: Húrra húrra húrra!!!