Minkur undir sólpalli og pólitískur refur í húsinu

Athugull Flúðabúi tók eftir því á dögunum að minkur skaust undir sólpallinn hjá Ísólfi Gylfa Pálmasyni, sveitarstjóra. Fram kemur í Pésanum, fréttabréfi Hrunamannahrepps, að talið sé að minkurinn hafi haft þarna vetrarsetu.

Í Pésanum segir, að einn af fimari skotmönnum sveitarinnar hafi kálað minknum skömmu síðar. Gárungarnir töldu þó að vel færi á því að vera með mink undir sólpallinum og pólitískan ref í húsinu en Ísólfur Gylfi er fyrrum alþingismaður.

• 2 blogg um fréttina

Bloggað um fréttina

• Jón Halldór Guðmundsson: Athugull nágranni?
• Heimir Lárusson Fjeldsted: Glögg skytta.