Viðskiptaráðherra fer til Kína í dag

Björgvin G. Sigurðsson, viðskiptaráðherra, fer í opinbera heimsókn til Kína í dag. Í fréttatilkynningu frá viðskiptaráðuneytinu segir að ferðin sé farin til þess að endurgjalda heimsókn starfsbróður ráðherra frá því í júní í fyrra.   Ráðherra mun heimsækja ráðherra iðnaðar- og viðskiptamála og aðstoðarráðherra utanríkisviðskiptamála.  Auk formlegra samskipta við stjórnvöld verða ýmis íslensk fyrirtæki heimsótt í Hong Kong, Zhongshan og Beijing.

Tilgangur ferðarinnar er m.a. að stofna til frekari viðræðna við kínversk stjórnvöld um sameiginlega viðskiptahagsmuni og treysta viðskiptatengsl Íslendinga og Kínverja.

Í tilkynningunni segir að „í ljósi ástands mannréttindamála í Kína, og ekki síst ástandsins í Tíbet, mun viðskiptaráðherra taka þau mál upp í viðræðum sínum við kínverska ráðamenn. "

Þá segir að íslensk stjórnvöld hafi áður tjáð Kínverjum þá afstöðu sína að það sé þjóðréttarleg skylda Kínverja að virða mannréttindi í Tíbet.  „Þessi afstaða verður frekar áréttuð í ferðinni og áhersla lögð á hve órjúfanlegum böndum viðskiptafrelsi, upplýsingafrelsi og mannréttindi eru tengd. Af því tilefni hefur verið óskað eftir sérstökum fundi um mannréttindamál með aðstoðarutanríkisráðherra Kína," segir í fréttatilkynningunni.

• 7 blogg um fréttina

Bloggað um fréttina

• Hafsteinn Viðar Ásgeirsson: Hann Björgvin er langflottastur.
• Heimir Lárusson Fjeldsted: Tökum upp kínverska yuan-ið.
• Torfi Kristján Stefánsson: Athyglisverð fréttatilkynning
• Markús frá Djúpalæk: Treystum á Björgvin
• Birgitta Jónsdóttir: Af hverju förum við ekki alla leið?
• Haraldur Bjarnason: Auðvitað eigum við að láta rödd okkar heyrast í Kína
• Villi Asgeirsson: Ernst II: Í Þýskalandi á morgun