Ætla að bjóða ókeypis netvörn

SAFT, netverkefni Heimilis og skóla, og Síminn kynntu í dag áætlanir um að bjóða ADSL viðskiptavinum Símans á einstaklingsmarkaði ókeypis aðgang að netvörninni Websense.

Um er að ræða forrit, sem gerir foreldrum kleift að stýra hvaða þáttum netsins það vill hafa opna, og geta þannig opnað eða lokað fyrir til dæmis spjallrásir, torrent-síður og klámsíður.

Heimili og skóli segir, að börn séu mjög berskjölduð fyrir ýmsu ótuktarefni á netinu, til að mynda hafi 49% barna heimsótt klámsíðuraf slysni og 27% hafa gert það af ásettu ráði. Af þeim sem nota spjallrásir á netinu segja 41% að fólk, sem þau hafi kynnst þar, hafi beðið þau að hitta sig augliti til auglitis. Þar af hefur 21% þeirra barna, sem fara á spjallrásir, hitt í eigin persónu einhvern sem þau kynntust á netinu.

• 4 blogg um fréttina

Bloggað um fréttina

• Steinunn Þórisdóttir: Gott framtak.
• Jóna Kolbrún Garðarsdóttir: Foreldrar bera ábyrgðina
• Óttarr Makuch: Frábært framtak hjá Símanum
• Gunnar: Websense lokar á t.d. Amnesty