Neyðarsendir fannst í gangi á ruslahaugi

Landhelgisgæslunni barst tilkynning klukkan hálf ellefu í morgun um að neyðarsendir gæfi frá sér merki á Snæfellsnesi.  Þyrla Landhelgisgæslunnar var send á vettvang, björgunarsveitin Lífsbjörg í Snæfellsbæ kölluð út og lögreglu gert viðvart.   Að sögn Landhelgisgæslunnar stóð leit yfir í  um tvo tíma en leitað var bæði á land og sjó, og gekk illa að staðsetja sendirinn.   Neyðarsendir fannst nú síðdegis, bundinn við ruslagám á ruslahaugum á Rifi á Snæfellsnesi.

Að sögn Landhelgisgæslunnar er málið litið mjög alvarlegum augum, því verið er að misnota neyðarbúnað skipa til þess að afvegaleiða björgunaraðila.  Til stóð að þyrla gæslunnar færi í æfingaflug í dag en æfingunni var frestað vegna kalls frá neyðarsendinum.   

Að sögn lögreglunnar á Ólafsvík er málið í rannsókn.

• 6 blogg um fréttina

Bloggað um fréttina

• Hvíti Riddarinn: Ég sendi...
• Einar Vignir Einarsson: Það er með ólíkindum hvað fólk tekur sér fyrir hendur.
• Njörður Helgason: Neyðarkall landsbyggðar????????
• Davíð Þorvaldur Magnússon: hvað er í gangi
• Brjánn Guðjónsson: Neyðarrusl
• Hallgrímur Guðmundsson: Grafalvarlegt mál...