Svifryk yfir mörkum í dag

Mikið ryk er nú í Reykjavík  og þyrlast víða upp og veldur gangandi og hjólandi óþægindum. Búist er við að sólarhringsgildi svifryks  mælist yfir heilsuverndarmörkum  í dag og á morgun. Óheimilt var að aka um á nagladekkjum í Reykjavík frá og með deginum í dag.

Að sögn Umhverfis- og samgöngusviðs borgarinnar berst ryk  af hálendinu og sennilega úr opnum grunnum og óbundnum svæðum í grennd við borgina. Fínustu agnir þessa ryks valdi þeim sem eru með viðkvæm öndunarfæri eða astma óþægindum. Búist sé við svipuðu veðurfari á Faxaflóasvæðinu á morgun.

Nagladekk eru áhrifamikill orsakavaldur svifryks í Reykjavík og eiga sinn hlut í því í dag að svifryk mælist yfir heilsuverndarmörkum. Ökumenn eru minntir á að tími nagladekkjanna er liðinn og er ólöglegt að keyra á nagladekkjum eftir 15. apríl.

• 6 blogg um fréttina

Bloggað um fréttina

• Brjánn Guðjónsson: Sviffriðryk
• Hallmundur Kristinsson: Ekkert er fegurra en vorkvöld í Reykjavík
• Heimir Lárusson Fjeldsted: Mikið verk óunnið Ólafur Eff.
• Þorsteinn Gunnarsson: Eru nagladekkin að valda þessu.... held ekki.
• Guðrún María Óskarsdóttir.: Svifryksmengun og moldrok.
• Þóra Guðmundsdóttir: Sópa göturnar takk.