Vaxandi flugmannaskortur

Mikil eftirspurn er eftir flugmönnum á alþjóðlegum vettvangi, og eiga mörg flugfélög í erfiðleikum með að standa við áætlun vegna manneklu. Hafa þau neyðst til að aflýsa mörgum ferðum. Félagi íslenskra atvinnuflugmanna hafa borist fyrirspurnir frá áhafnaleigum og flugfélögum í Evrópu sem vantar flugmenn.

Þetta kemur fram í nýjasta hefti Fréttabréfs FÍA.

Þar segir ennfremur að þessi vandi teygi sig víða, og hafi flugfélög í Asíu mikið auglýst eftir flugmönnum. Til dæmis muni Emirates í Dubai þurfa að ráða marga á næstu misserum. Air France hafi einnig „auglýst stíft eftir flugmönnum upp á síðkastið.“

Þá segir í fréttabréfinu að þjálfunarflugstjórar frá Icelandair séu í auknum mæli farni að sinna þjálfun hjá öðrum félögum, eins og til dæmis Air Baltic og Royal Brunei.

Flugmannaskortur hafi verið fyrirséður, og virðist nú vera skollinn á.

• 1 blogg um fréttina

Bloggað um fréttina

• Heimir Lárusson Fjeldsted: Kjaraviðræður í gangi?