Bílstjórar „taka hvíldartíma" á Suðurlandsvegi

Atvinnubílstjórar eru nú að loka Suðurlandsvegi við Olís-stöðina við Rauðavatn í báðar áttir. Samkvæmt upplýsingum blaðamanna mbl.is sem er á staðnum eru um tuttugu flutningabílar á staðnum og fjölgar jafnt og þétt í hópnum.

Sturla Jónsson, talsmaður atvinnubílstjóra, sagði í samtali við mbl.is í morgun að bílstjórarnir væru að taka hvíldartíma og að það væri misjafnt eftir mönnum hversu langan vinnutíma þeim bæri að taka.

Þá sagðist hann bíða eftir því  að þjóðin fari að „standa í lappirnar"  og taka þátt í mótmælaaðgerðum bílstjóranna. Spurður um það hvort það flæki ekki málið að bílstjórar séu að mótmæla álögum sem varði allt samfélagið annars vegar og atriðum er varða atvinnumál þeirra hins vegar sagði hann að svona væri þetta bara. Sum hagsmunamál varði aðallega þrönga hópa en önnur bæði einstaka hópa og samfélagið í heild.

• 8 blogg um fréttina

Bloggað um fréttina

• Heimir Lárusson Fjeldsted: Eru þeir allir komnir með gardínu á hausinn?
• Reynir W Lord: Áfram ég styð ykkur 110 %
• Stefán Friðrik Stefánsson: Hvíldartími bílstjóra á háannatíma í umferðinni
• Guðsteinn Haukur Barkarson: Hættulegt - en fyrir hvern?
• Björgvin Guðmundsson: Almenningi ofbýður hátt verð á bensíni og olíum
• Gísli Sigurðsson: Ábyrgðarleysi
• Landfari: Þráhyggja?
• Sigurður Hreiðar: Með hryðjuverkatákn á hausnum