Kappaksturinn á Akranesi stöðvaður

„Þetta er eins og kappakstursbraut hérna og lögreglan samsinnir því,“ segir Anna María Pálsdóttir, íbúi við Vesturgötu á Akranesi, en bílslys varð þar um síðastliðna helgi, skammt frá staðnum þar sem banaslys varð fyrir skömmu er bíl var ekið á hús. Bæjaryfirvöld eru byrjuð að koma fyrir hraðahindrunum til að stöðva hraðakstur í bænum.

„Ég er með ungbarn svo að ég er oft vakandi á næturnar og ég var búin að heyra bíl keyra að minnsta kosti þrisvar á fleygiferð hérna framhjá en ég veit ekki hvort þetta er sami bíllinn. Ég var búin að heita því að færi hann framhjá einu sinni enn hringdi ég í lögregluna. En þegar ég er að leggjast út af og fara að sofa, heyri ég að bíll er farinn að gefa í. Ég hugsa sem svo að nú hringi ég en í því heyrist þessi hrikalegi smellur, þá hefur bíllinn lent á ljósastaur hérna hinum megin við götuna,“ segir Anna María.

Bíllinn hafnaði á öfugum vegarhelmingi og sneri í öfuga akstursstefnu. Ung stúlka sem ók bílnum komst sjálf út úr honum en lögreglubíl í venjubundnu eftirliti bar að í sama mund.

„Það eru tvær hraðahindranir hérna með stuttu millibili og á milli þeirra kitlar ökumenn í bensínfótinn,“ segir Anna. Hún hefur búið við Vesturgötuna í tvo mánuði og er þetta annar áreksturinn á þeim tíma. „Hvað gerist í næsta mánuði?“ spyr hún.

Akraneskappaksturinn stöðvaður

Að sögn Gísla var unnið að því í gær og fyrradag að setja upp bráðabirgðahraðahindranir á þremur stöðum í bænum, meðal annars þar sem slysið varð um helgina. „Við erum að minnka hraðann með skiltum, þrengingum og hindrunum,“ segir hann.

Í hnotskurn

• 3 blogg um fréttina

Bloggað um fréttina

• Birgir Þór Bragason: Eru til ráð?
• Haraldur Bjarnason: Vesturgatan löngum þótt góð til hraðaksturs
• Brynjar Hólm Bjarnason: Ekki húsunum að kenna!