Reynt að fjarlægja bíl Sturlu

Lögreglan er nú að reyna að fjarlægja bíl Sturlu Jónssonar af Suðurlandsvegi, en það er eini flutningabíllinn sem þar er eftir. Öllum aðgerðum flutningabílstjóra þar er lokið, en nokkrir unglingar eru enn að kasta eggjum í lögreglumenn sem eru á vettvangi.

Sturla Jónsson er horfinn af vettvangi og mun vera að ráðfæra sig við lögfræðing.  Illa gengur að færa bíl hans úr stað. Lögreglan er ekki með lykla að bílnum og þurfti því að brjóta rúðu til að komast inn í stýrishúsið. Þá eru lofthemlar bílsins læstir.

Búið er að leggja hald á aðra bíla, sem skildir voru eftir á svæðinu og flytja þá á brott. 

• 3 blogg um fréttina

Bloggað um fréttina

• Kjartan Pálmarsson: Nú verður allt Sturla-ð. Fyrir hverjum er trukkurinn
• Karl Emil Karlsson: Hvað þarf að gera til að vekja athygli fólks?
• Ásgrímur Hartmannsson: Það er eiginlega slæmt að missa af þessu.