Réðist á öryggisvörð

Lögregla höfuðborgarsvæðisins handtók tvo 24 ára menn sem höfðu verið með háreysti og læti í verslun 10-11 í Austurstræti kl fimm í nótt. Öryggisverðir verslunarinnar höfðu beðið mennina að róa sig en þá réðist annar mannanna á öryggisvörð og rak honum hnefahögg í andlitið.

Mennirnir sem voru ölvaðir voru báðir handteknir og gista nú fangageymslu og verður mál þeirra tekið fyrir síðar í dag.

Annars var nóttin róleg í höfuðborginni að sögn lögreglu, þó voru fimm ökumenn teknir fyrir ölvunarakstur í nótt. 

• 4 blogg um fréttina

Bloggað um fréttina

• Hermann Einarsson: 10-11 þar færðu ofbeldi og ost á góðu verði
• Hallgrímur Guðmundsson: 10 - 11 býður upp á frábæra
• Helga Dögg Sverrisdóttir: Hömluleysi
• Guðjón Þór Þórarinsson: Á ég að trúa því?