Mesta fjölmiðlafrelsið á Íslandi og Finnlandi

Fjölmiðlar á Íslandi og í Finnlandi njóta mests frelsis í heiminum að mati bandarísku stofnunarinnar Freedom House, sem birti í dag árlega skýrslu sína um frelsi fjölmiðla. Er þetta sama niðurstaða og á síðasta ári. Verst er ástandið í Norður-Kóreu, Búrma og Túrkmenistan.

Stofnunin segir, að verulega hafi dregið úr frelsi fjölmiðla á síðasta ári, eins og á árinu 2006, og segir þau lönd, þar sem fjölmiðlafrelsi var skert, séu tvöfalt fleiri en þau lönd þar sem frelsið jókst.

Lagt var mat á frelsi fjölmiðla í 195 löndum út frá lagaumhverfi, pólitísku ástandi og efnahag. Af ríkjunum 195 er fjölmiðlafrelsi talið ríkja í 72, eða 37%, 59, eða 30%, ríkir frelsi að hluta og í 64 ríkjum, eða 33%, er ekki frelsi.

Ástandið batnaði heldur í Miðausturlöndum og Mið-Afríku, aðallega vegna þess að þeim blaðamönnum fjölgar sem eru reiðubúnir til að hunsa þær skorður, sem þarlend stjórnvöld setja þeim. 

Listi Freedom House

• 2 blogg um fréttina

Bloggað um fréttina

• Guðrún María Óskarsdóttir.: Öllu frelsi fylgir ábyrgð, fáum við allar frétttir ?
• Ómar Ragnarsson: Ekki sjálfsagt mál.