Endurgerð fyrsta forsetabílsins lokið

Ólafur Ragnar Grímsson, forseti Íslands, mun á morgun taka á móti forsetabifreið Sveins Björnssonar, sem nýlega hefur verið endurgerð. Bifreiðin er af Packard-gerð, frá árinu 1942, og var fyrsta forsetabifreiðin, notuð á upphafsárum Sveins Björnssonar í embætti forseta Íslands.

Bíllinn var keyptur notaður frá Bandaríkjunum. Bíll sömu gerðar hafði verið gjöf Roosevelts forseta til Sveins Björnssonar en hann var um borð í Goðafossi þegar skipið var skotið í kaf í nóvember 1944.

Bifreiðin er eign Þjóðminjasafns Íslands en verður geymd á Bessastöðum og notuð og sýnd við sérstök tækifæri.

Bifreiðin verður sýnd á Bessastöðum klukkan 15 á morgun. Við það tækifæri mun jafnframt hópur félaga í Fornbílaklúbbi Íslands heimsækja Bessastaði á fornbílum sínum.

• 2 blogg um fréttina

Bloggað um fréttina

• Vilhjálmur Óli Valsson: Þarna er ekki sparað!
• Brjánn Guðjónsson: Enduruppsetning fyrstu forsetatölvunnar lokið