Atlantsskip semja við Eimskip og hætta rekstri skipa

Atlantsskip hafa gert þjónustusamning við Eimskip um að flytja vörur með skipum félagsins. Atlantsskip munu jafnframt hætta rekstri skipanna Jan Mitchell og Kársness en viðkomuhafnir þeirra hafa verið í Hafnarfirði, Immingham í Englandi, Vlissingen í Hollandi og Esbjerg í Danmörku.

Félagið segir í tilkynningu, að það fái aðgang að siglingakerfi Eimskips í Evrópu og því muni heildarþjónusta Atlantsskipa aukast í náinni framtíð þar sem fleiri viðkomuhafnir munu bætast við. Sé breytingin á rekstrinum gerð til að mæta af krafti erfiðara árferði.

Starfsmenn Atlantsskipa eru nú um fimmtíu. Félagið er með skrifstofur í Hafnarfirði og verður áfram með alla sína starfsemi þar bæði vöruhús og gámavöll. 

• 3 blogg um fréttina

Bloggað um fréttina

• Hafsteinn Viðar Ásgeirsson: Mætti halda að ekki væri feitan Gölt að flá.
• Einar Vignir Einarsson: Ætla allir viðskiptavinir Eimskips að færa sig yfir????
• Friðrik Þór Guðmundsson: Enn einn sigurinn fyrir einokunarsinna Íslands