Talsvert fannst af fíkniefnum

Fíkniefni fundust á tveimur stöðum á höfuðborgarsvæðinu fyrir síðustu helgi, en um talsvert magn var að ræða. Í íbúð í Hafnarfirði var lagt hald á 300 grömm af marijúana og 11 kannabisplöntur. Í húsi í Reykjavík fundust 60 grömm af amfetamíni en á sama stað lagði lögreglan hald á 200 þúsund krónur í peningum sem grunur leikur á að séu tilkomnir vegna fíkniefnasölu.

Þetta kemur fram í tilkynningu frá lögreglunni í kvöld.

Fjórir karlar voru handteknir vegna rannsóknar málanna. Í því síðartalda naut lögreglan á höfuðborgarsvæðinu aðstoðar nýs fíkniefnaleitarhundar frá lögreglunni í Vestmannaeyjum en sá fjórfætti var í heimsókn í borginni. Óhætt er að segja að fíkniefnaleitarhundur þeirra Eyjamanna sé mjög efnilegur og lofi góðu.

• 2 blogg um fréttina

Bloggað um fréttina

• Guðrún María Óskarsdóttir.: Húrra fyrir fíkniefnahundi Vestmanneyinga, veri hann ætíð velkominn í heimsókn …
• Alfreð Símonarson: Glæpamenn? Eða þeir sem styðja svarta markaðinn með sínum lagasetningum