Myndir birtar af bankaræningja
Setja bókamerki
Lögreglan hefur birt myndir af manni sem framdi rán í útibúi Landsbankans í Bæjarhrauni í Hafnarfirði í morgun, en eftirlitsmyndavélar bankans náðu myndunum af manninum.
Ræninginn var vopnaður hnífum og ógnaði starfsfólki. Hann hafði síðan á brott með sér eitthvað af fjármunum. Maðurinn var klæddur í hettupeysu og huldi andlit sitt með klúti. Talið er að hann sé á aldrinum 17-25 ára.
Þyrla Landhelgisgæslunnar aðstoðaði lögregluna í morgun og flaug um 45 mínútna leitarflug um svæðið. Leitin bar hins vegar ekki árangur.
Þeir sem geta gefið upplýsingar um manninn eru beðnir að hafa samband við lögregluna á höfuðborgarsvæðinu í síma 444-1100.
Með réttarstöðu sakbornings við rannsókn banaslyss
Vetrarblæðinga vart í Öxnadal
Kröfugerðin skýr en upphæðin ekki
„Áhugavert að sjá skjálfta þarna“
Biður fólk um að vera ekki á ferðinni
„Það var ekki dæmt löglegt að mismuna börnum“