Áformað að Kröfluvirkjun stækki um allt að 250%
Setja bókamerki
Fyrirhugað er að reisa allt að 150 MW jarðhitavirkjun við Kröflu í Skútustaðahreppi í Þingeyjasýslu. Virkjunin, Kröfluvirkjun II, er hugsuð sem viðbót við virkjunina sem fyrir er en afl hennar er 60 MW.
Að sögn Þorsteins Hilmarssonar, upplýsingafulltrúa Landsvirkjunar, er í raun aðeins um að ræða stækkun á starfseminni í Kröflu. Byggt verður nýtt stöðvarhús en verið er að nýta áfram sömu jarðhitasvæðin.
„Við höfum verið með meiri orku heldur en við nýtum. Þetta er liður í undirbúningi vegna hugsanlegra bygginga á jarðhitavirkjunum á Norðurlandi í náinni framtíð,“ segir Þorsteinn og nefnir hugsanlegt álver við Húsavík. Um er að ræða drög að matsáætlun sem fara þarf í umhverfismat. Þorsteinn segir ekki liggja fyrir hvenær verður byggt en um sé að ræða undirbúning í tengslum við hugsanlega uppbyggingu við Húsavík.
„Þetta er ríkisstjórn almannahagsmuna“
Ók á hóp fólks á jólamarkaði: Einn látinn
„Börn heima sem maður myndi vilja hafa í skjóli“
„Mér finnst gamla Samfylkingin komin aftur“
Ný ríkisstjórn kynnt á morgun
Samfylking og Viðreisn gáfu loforð
Skattamál verði líklega „þeirra mesta klemma“
Lát hjóna í Neskaupstað: Ákæra gefin út
