Bílstjórar sofnuðu við akstur

Tvö umferðaróhöpp áttu sér stað í dag á Akureyri þar sem bílstjórar sofnuðu við akstur.

Um klukkan 9:30 í morgun sofnaði ökumaður undir stýri rétt fyrir norðan Akureyri á hringveginum með þeim afleiðingum að bíllinn valt. Ökumaðurinn var fluttur á slysadeild og í ljós kom að hann slapp við meiriháttar meiðsli. Hann var einn í bílnum. Bíllinn er talinn ónýtur.

Um klukkan 15 í dag sofnaði ökumaður undir stýri á Drottningarbraut á Akureyri með þeim afleiðingum að bíllinn fór út af veginum og lenti á ljósastaur. Að sögn lögreglu var talið, að bílstjórinn hefði sloppið með lítilsháttar meiðsli en hann var einn í bílnum. Bíllinn telst gjörónýtur, samkvæmt upplýsingum frá lögreglunni á Akureyri.

• 4 blogg um fréttina

Bloggað um fréttina

• Tinna Brá Baldvinsdóttir: það hafa fleiri verið þreyttir í dag
• Guðlaugur Ragnar Emilsson: Bílstjórar sofnuðu við akstur
• Reynir Andri: Sleepless in Akureyri
• Birgir Þór Bragason: Gott hjá lögreglunni