Ættu allir að flytja til Íslands?

Ættum við öll  að flytja til Íslands? spyr Paul Vallely, blaðamaður breska blaðsins In­depend­ent,  í grein í dag þar sem hann reyn­ir að varpa ljósi á það hvers vegna hin skrýtna ná­grannaþjóð Breta í norðvestri er jafn friðsöm og ham­ingju­söm og raun ber vitni. 

Vallely rök­styður bæði nei­kvætt og já­kvætt svar. Já-meg­in er, að ís­lenska þjóðin er friðsöm, ham­ingju­söm og á Íslandi eru lífs­kjör með því besta sem þekk­ist, það er ekki eins kalt á Íslandi og ætla mætti og vel­ferðar­kerfið þar sé afar þróað og lítið sé um að svindlað sé á kerf­inu. 

Nei-meg­in er hins veg­ar, að það er ekki nóg pláss á Íslandi til að rúma alla. Þar búi aðeins um 300 þúsund manns, álíka og í Co­ventry. Þar sé stærsta eyðimörk í Evr­ópu. Loka­svarið í nei-dáln­um er, að menn­ing­ar­líf hljóti að bjóða upp á meira en Björk og 13. ald­ar Íslend­inga­sög­ur. 

Meg­in­skýr­ing Vell­elys á því hve Íslend­ing­ar eru friðsam­ir er sú, að áhrif kvenna séu mik­il á Íslandi og hafi verið allt frá land­náms­höld enda eigi ís­lensk­ar kon­ur ætt­ir að rekja til kelt­neskra kvenna. Þá rek­ur hann ýms­ar ástæður fyr­ir því hve Íslend­ing­ing­ar eru ham­ingju­sam­ir, þar á meðal eina frek­ar frum­lega: að þeir veiði hvali.

En eru Íslend­ing­ar ekki vond­ir við hvali? spyr blaðamaður­inn, og svar­ar:  Eng­inn er jú full­kom­inn. Íslend­ing­ar hættu hefðbundn­um hval­veiðum 1989 í sam­ræmi við alþjóðlegt hval­veiðibann en hófu síðan vís­inda­hval­veiðar  að sögn til að rann­saka áhrif hvala á fiski­stofna og fyr­ir tveim­ur árum hófu þeir at­vinnu­veiðar að nýju. „Kannski er það ástæðan fyr­ir því hvað þeir eru ham­ingju­sam­ir" seg­ir Vell­ely.

Grein In­depend­ent 

• 6 blogg um frétt­ina

Bloggað um frétt­ina

• Markús frá Djúpa­læk: Páll minn,
• Þór­dís Bára Hann­es­dótt­ir: Ham­ingju­söm eða ekki?
• Snorri Bergz: Ættu all­ir að flytja til Íslands?
• Jenný Anna Bald­urs­dótt­ir: Tón­list­ar­húsið ekki til­búið - GMG
• Bjarni Rún­ar Ein­ars­son: Ísland, best í heimi
• Berg­ur Thor­berg: Karlfausk­ar og: "Köld eru kvennaráð"