Ný flugbraut á Sandskeiði

Ný flugbraut verður tekin í notkun á Sandskeiði í dag. Endurbætur hafa farið fram á flugvellinum um nokkurt skeið en opnunin er er liður í áætlunum Flugstoða að bæta þjónustu við kennslu- og einkaflug.

Í tilkynningu frá Flugstoðum segir, að vélflugbraut flugvallarins verði opin öllu kennslu- og æfingaflugi ásamt einkaflugi vélknúinna loftfara. Opnun flugbrautarinnar sé einnig liður í áætlunum Flugstoða að létta álagi og draga úr hávaðamengun Reykjavíkurflugvallar.

Flugbrautin opnar nýja möguleika fyrir æfingaflug flugnema en á Sandskeiði hefur verið unnið að mikilli uppbyggingu, m.a. endurbótum á flugbraut og uppsetningu á veðurstöð.

• 2 blogg um fréttina

Bloggað um fréttina

• Sigurlaug B. Gröndal: Ævintýralandið - Sandskeið og svifflugið
• Guðjón Sigþór Jensson: Elsti flugvöllur á Íslandi?