Annasamt hjá lögreglu á Suðurnesjum

Lögreglan á Suðurnesjum segir, að nokkrar annir hafi verið í nótt vegna fjörugs næturlífs í Reykjanesbæ. Tvær líkamsárásir voru tilkynntar til lögreglu auk þess sem lögreglan þurfti í nokkrum tilfellum að ganga á milli manna til að uppræta slagsmál.  

Þá var nokkuð um að kvartað var undan hávaða í einkasamkvæmum í heimahúsum. Tveir gistu fangageymslu í nótt, annar vegna ölvunar en hinn vegna vörslu fíkniefna.

• 1 blogg um fréttina

Bloggað um fréttina

• Mummi Guð: Lögreglan á Suðurnesjum enn einu sinni að vekja athygli á …