Byggðastofnun veitir styrki

Byggðastofnun hefur gengið frá styrkveitingum og hlutafjárframlögum vegna mótvægisaðgerða ríkistjórnarinnar til eflingar atvinnuþróunar og nýsköpunar 2008 og 2009.

Alls voru 200 milljónir króna til úthlutunar, 100 milljónir fyrir hvort ár. Alls bárust 253 umsóknir samtals að fjárhæð 1528 milljónir. Alls hlutu 69 verkefni styrk. Nokkrar umsóknir eru til frekari skoðunar.

Hæstu styrkina hlutu Þóroddur ehf. vegna uppbyggingar seiðaeldisstöðvar í Tálknafirði, JE-Vélaverkstæði ehf. Siglufirði, vegna þróunar á nýrri gerð af snekkju, Vélfag ehf. Ólafsfirði, þróun og smíði roðvélar, 5 milljónir hvert verkefni.

Við mat á umsóknum var einkum tekið tillit til hlutfalls starfa í veiðum og vinnslu á viðkomandi svæði, nýsköpunargildis, gæða og mögulegs árangurs verkefna auk fjölda starfa sem þeim er ætlað að skapa.

Byggðastofnun mun gera samninga við styrkþega um framvindu og árangursmat verkefnanna en styrkirnir verða greiddir út í tvennu lagi, á árunum 2008 og 2009.

• 1 blogg um fréttina

Bloggað um fréttina

• Hallgrímur Guðmundsson: Þunnur er þrettándinn í