Stærðin á bilinu 6,1 til 6,2 stig
Þetta bjarg féll úr Ingólfsfjalli í skjálftanum.
mbl.is/Bjarni Hákonarson
Setja bókamerki
Stærð Suðurlandsskjálftans sem varð síðdegis í dag er á bilinu 6,1 til 6,2 stig, að sögn Páls Einarssonar jarðeðlisfræðings. Talan 6,7, sem ratað hafi í fréttir í dag sé ofætluð, segir Páll. Skjálftinn í dag hafi verið ívið minni en skjálftarnir sem urðu árið 2000.
Páll segir að skjálftinn í dag sé framhald skjálftahrinu sem hafi hafist með skjálftunum 2000, og hafi verið samskonar skjálfti og þá urðu, nema ívið minni, upptökin hafi verið á sama svæði, en vestar.
Ógerlegt sé að segja með nokkurri nákvæmni til um hvort eftirskjálftar kynnu að verða, eða hvort þeir gætu orðið jafn öflugir. Þó kvaðst Páll síður telja líklegt að annar jafn öflugur skjálfti verði.
Skemmdir urðu í mörgum húsum í Hveragerði.
mbl.is/Helena
Varnargarðar hækkaðir um 3 til 4 metra
Í kappi við tímann að reyna að afstýra verkfalli
Ása Ellerup flutt út og ætlar að selja húsið
„Við höldum áfram þangað til við erum búin“
Flestir sem hvergi finnast koma frá Sómalíu
50 milljónir eiga að minnka svindl um 1 milljarð
Vegirnir voru eins og borðstofuborð