Sjóminjasafn opnað eftir endurbætur

Víkin,  sjóminjasafnið í Reykjavík, var opnað formlega á ný á Grandagarði 8 í morgun eftir gagngerar endurbætur. Jafnframt voru opnaðar fimm sýningar sem rekja þróun og fiskveiða og strandmenningar landsmanna í aldanna rás.

Varðskipið Óðinn verður nú hluti af safninu, sem fékk skipið afhent með formlegum hætti í gær. Skipið liggur við sérstaka bryggju safnsins og gefst gestum kostur á að skoða skipið undir leiðsögn.  Einnig er dráttarbáturinn Magni við safnbryggjuna en hann er fyrsta stálskipið sem smíðað var á Íslandi í Stálsmiðjunni í Reykjavíkurhöfn.

Sjóminjasafnið er staðsett í gamla frystihúsi Bæjarútgerðar Reykjavíkur (BÚR). 
 

• 3 blogg um fréttina

Bloggað um fréttina

• Haraldur Haraldsson: Sjóminjasafn opnað eftir endurbætur !!!!!
• Björgvin Guðmundsson: Sjóminjasafnið opnað á ný
• Anna Karlsdóttir: Til hamingju með áfangann!