Fyrsti laxinn kom úr Norðurá um klukkan 8:30 í dag. Það var nýgengin 83 sentimetra löng hrygna, 12 pund að þyngd. Fiskinum var sleppt aftur í ána eftir að hann hafði verið mældur og veginn.

Það var Marínó Marínósson, gjaldkeri Stangveiðifélags Reykjavíkur, sem setti í laxinn klukkan 8:15 á Eyrinni svonefndu og það tók um 15 mínútur að ná honum á landi.

Á síðasta ári veiddust tæpir 1500 laxar í Norðurá og var hún fimmta gjöfulasta laxveiðiáin á sumrinu.