Forsætisráðherra eyjarinnar Dóminíku í Karabíahafi  segir, að sendinefnd landsins á ársfundum Alþjóðahvalveiðiráðsins muni ekki lengur greiða atkvæði með Japönum og öðrum hvalveiðiþjóðum í atkvæðagreiðslum þar. 

Landið hefur undanfarin átta ár greitt atkvæði með Japönum í hvalveiðiráðinu en Roosevelt Skerrit tilkynnti í útvarpsávarpi á sunnudag, að hér eftir muni sendinefnd landsins sitja hjá í atkvæðagreiðslum um hvalveiðar í hvalveiðiráðinu og sagði að þannig væri hagsmunum eyjarinnar best þjónað.

Japanar hafa veitt Dóminíku mikla þróunaraðstoð á undanförnum árum og m.a. aðstoðað eyjarskeggja að byggja upp sjávarútveg og fiskvinnslu. Umhverfisverndarsinnar hafa sakað Japana um að kaupa sér stuðning fátækra Kyrrahafseyja í hvalveiðiráðinu með þessum hætti en því hafa japönsk stjórnvöld vísað á bug.

Dóminíka, sem var áður bresk nýlenda, hefur verið að byggja upp ferðaþjónustu og lagt áherslu á umhverfisvernd í því sambandi.   

Tengdar fréttir

Hvalveiðar

Mál Black Cube ekki á borði ríkissaksóknara

• Fjögur fyrirtæki sótt um leyfi til hvalveiða
• Fátt um svör vegna Black Cube
• „Er í mínum huga engin frétt“
• Ríkislögreglustjóri kannar málsatvik

» Fleiri tengdar fréttir

• 1 blogg um fréttina

Bloggað um fréttina

• Einar Þór Strand: Hvað er umhverfisvernd?