Norræna á undan áætlun

Norræna kom til Seyðisfjarðar klukkan rúmlega níu í morgun, eða tæpum þremur tímum á undan áætlun, en ekki verður hægt að tollafgreiða skipið fyrr en um hádegið þar sem tollgæslulið með fíkniefnahunda er á leið með flugi frá Reykjavík.

Jóhann Freyr Aðalsteinsson, deildarstjóri tollgæslunnar á Seyðisfirði, segir að skipið hafi komið til hafnar á undan áætlun vegna veðurs. Það gerist stundum að Norræna sé á undan áætlun, og misjafnt sé eftir því hvernig standi á hvort þá sé hægt að tollafgreiða skipið strax.

Biðin á afgreiðslunni nú sé í samráði við Smyril Line, sem gerir Norrænu út, og hafi engin áhrif á áætlun hennar.

• 5 blogg um fréttina

Bloggað um fréttina

• Indriði Viðar Pálsson: Norræna 3kl fyrir áætlun..
• Pétur Sig: Tilkynning til dópinnflytjenda
• Anna Heiða Stefánsdóttir: þjónusta
• Jóhann Páll Símonarson: Hafa fréttamenn Morgunblaðsins ekki áhuga á þessum málum.
• Bergur Thorberg: Þrautþjálfað lið....... hunda og manna