Gagnrýnir að ekki var samið við SÁÁ um áfangaheimili

Þorleifur Gunnlaugsson, borgarfulltrúi VG og fulltrúi flokksins í velferðarráði borgarinnar, segist hafna útskýringum meirihluta ráðsins sem rökum fyrir því að ætla að hafna tilboði SÁÁ vegna búsetuúrræðis fyrir 20 einstaklinga og semja þess í stað við  Heilsuverndarstöðina/Alhjúkrun.

Þorleifur segir í bókun, sem hann lagði fram á fundinum, að það sé  óumdeild staðreynd að tilboð SÁÁ hafi verið lægst eða um fjórðungi lægra en tilboð Heilsuverndarstöðvarinnar/Alhjúkrunar. Þó svo meirihlutinn telji þessa starfsemi ekki útboðsskylda þurfi veigamikil rök til að hafna lægsta tilboði og gera verði kröfu um að sýnt verði fram á það með málefnalegum hætti að um sé að ræða yfirburði Heilsuverndarstöðvarinnar á þeim sviðum sem þjónustan taki til og réttlæta þannig þá ákvörðun að borga meira fyrir af almannafé. 

Segir Þorleifur einnig, að ekki sé óeðlilegt að ætla að í raun hafi verið búið að ákveða að fara í samstarf við Heilsuverndarstöðina/ Alhjúkrun áður en auglýst var eftir samstarfaðilum.

• 2 blogg um fréttina

Bloggað um fréttina

• Brjánn Guðjónsson: Skítalykt af málinu
• Sædís Ósk Harðardóttir: Spilling enn og aftur?????