Leita leiða til að lækka eldsneytiskostnað

Flugfélagið Icelandair leitar nú eins og önnur flugfélög leiða til að lækka eldsneytiskostnað. Þetta kemur fram í fréttabréfi Félags íslenskra atvinnuflugmanna og segir að meginmarkmiðin séu tvö: Að hafa vélina sem léttasta þegar lagt er af stað og minnka eldsneytisbrennslu.

Í fréttabréfinu segir, að reikna megi með að fyrir hver tíu kíló sem hægt sé að létta vélarnar á öllum leggjum í ætlun félagsins, megi spara um 1,5 milljónir á ársgrundvelli.

Þá megi reikna með því, að ef hægt væri að minnka brennslu um tíu kíló á hvern klukkutíma á öllum leggjum í áætlun félagsins sparist um 40 milljónir á ársgrundvelli.

Verð á eldsneyti  hefur fjórfaldast frá árinu 2000, þar af næstum tvöfaldast  síðasta ári. Alþjóðasamband flugfélaga hefur reiknað út að hækkanir undanfarið muni auka eldsneytiskostnað flugfélaga á heimsvísu
á þessu ári um 74 milljarða dala  og  þykir það raunar varlega áætlað.

• 2 blogg um fréttina

Bloggað um fréttina

• Stefán Gíslason: Minni handfarangur takk!
• Ólafur fannberg: sleppa