Innlent | mbl | 15.6.2008 | 13:51 | Uppfært 16.6.2008 10:56

Dagur hinna villtu blóma

Villt blóm verða skoðuð á ýmsum stöðum í dag. Mbl.is/Þorvaldur Örn Kristmundsson

Í dag er dagur hinna villtu blóma á Norðurlöndum. Af þessu tilefni er boðið upp á gönguferðir víða um land þar sem villt blóm verða skoðuð.

Í boði eru tveggja tíma ókeypis gönguferðir með leiðsögn þar sem skoðaðar verða algengustu plöntur. Ekki þarf að tilkynna um þátttöku heldur er nóg að mæta á staðinn.

Samtökin Flóruvinir hafa staðið fyrir deginum frá 2004 en önnur Norðurlönd héldu hann fyrst 2003. Flóruvinir eru samstarfshópur sjálfboðaliða um rannsóknir á íslensku flórunni og verndum hennar.

Gönguferðirnar sem eru í boði eru meðal annars:

- Snæfellsnesþjóðgarður. Mæting við Rauðhól (suðaustan við Prestahraun og upp með Móðulæk) kl. 14:00.

- Ásbyrgi. Mæting við Gljúfrastofu kl. 14:00.

- Fáskrúðsfjörður. Mæting á tjaldstæðinu á Fáskrúðsfirði kl. 19:00.

- Kirkjubæjarklaustur. Mæting við Skaftárskála kl. 20:30

Nánari upplýsingar um Flórudaga má sjá hér.

Vefur Flóruvina.