Gamalt er enn í gildi

Húsafriðunarnefnd hefur afhent sérstaka viðurkenningu til verslananna Kirsuberjatrésins og Guðsteins Eyjólfssonar. Viðurkenningin er veitt fyrir varðveislu innréttinga í verslununum, en í báðum húsum standa enn upprunalegar innréttingar frá lokum 19. og upphafi 20. aldar. „Okkur þótti ástæða til veita þeim viðurkenningu fyrir að standa vörð um þessi verslunarhús, og minna á að það er hægt að nota gamlar innréttingar, með því að vekja athygli á því sem vel er gert,“ segir Nikulás Úlfar Másson, forstöðumaður húsafriðunarnefndar.