Skólakór Kársness hreppti gull
Setja bókamerki
Skólakór Kársness hlaut gullverðlaun í flokknum samkynjaraddir í St. Petersburgh Grand Prix, virtri alþjóðlegri kórakeppni í Pétursborg í Rússlandi í dag. Stúlkurnar hlutu 94 stig af 100 í þeim flokki en kórinn hlaut jafnframt silfur í flokki blandaðra radda eða 86 stig.
„Hvorki Þórunn, börnin né við öll áttum nokkurn tíman von á að þau fengju verðlaun," sagði Jóhanna Pálsdóttir kennari við Kársnesskóla sem á jafnframt tvö börn í kórnum og aðstoðar kórstjórann Þórunni Björnsdóttur.
Þórunn hefur stýrt kórnum frá upphafi eða í 32 ár við góðan orðstír.
Kórar frá 16 löndum tóku þátt í keppninni og eru þeir allir tengdir skólum sem sérhæfa sig í tónlistarmenntun barna.
Jóhanna sagði í samtali við Fréttavef Morgunblaðsins að kórinn hefði einungis flutt lög eftir íslensk tónskáld og að tvö þeirra væru með í för, feðginin Mist Þorkelsdóttir og Þorkell Sigurbjörnsson.
Gosið gæti varað lengur: Meiri fyrirstaða í gosrásinni
Borgin verður af milljörðum eftir dóm Hæstaréttar
Einar skorar á næstu ríkisstjórn
Heitt vatn fannst sem gæti annað 10 þúsund manns
Sparnaður heimila vex meira en áður var talið
Átti ekki að láta pirring bitna á sjúklingi
Spara stórfé með olíukaupum ytra