Útlit fyrir fjöldauppsagnir hjá Icelandair

Um sextíu flugmönnum hjá Icelandair og allt að hundrað og fimmtíu flugfreyjum, verður sagt upp eftir helgi. Lausráðnir starfsmenn fá ekki endurráðningu, og eins missa fastráðnir vinnuna. Þetta kom fram í fréttum Sjónvarpsins í kvöld.

Dregið verður úr áætlunarflugi í vetur og áhöfnum fækkað. Boðað hefur verið til starfsmannafundar á þriðjudagsmorgun þar sem fara á yfir framtíðarhorfur fyrirtækisins.

Viðbúið er að einnig verði fækkað í öðrum deildum. Að minnsta kosti 200 manns missa því vinnuna. Björgólfur Jóhannsson, forstjóri Icelandair Group, vildi ekki tjá sig um fyrirhugaðar uppsagnir í dag við fréttastofu Sjónvarps.

• 3 blogg um fréttina

Bloggað um fréttina

• Drífa Kristjánsdóttir: Icelandair á hausnum
• Anna Heiða Stefánsdóttir: uppsagnir
• Björgvin Guðmundsson: Icelandair segir upp flugmönnum og flugfreyjum