Uppsagnir gleðja markaðinn
Setja bókamerki
Fregnir um yfirvofandi uppsagnir að minnsta kosti tvö hundruð starfsmanna Icelandair hafa hækkað gengi hlutabréfa í félaginu í kauphöllinni í morgun, en það hefur verið á niðurleið undanfarna daga.
Flugþjónustan á Keflavíkurflugvelli, sem er dótturfélag Icelandair, hefur tilkynnt um uppsagnir tæplega eitt hundrað manns, í samtals 75 stöðugildum, þar sem mikill samdráttur í flugi sé fyrirsjáanlegur á hausti komanda.
Forsvarsmenn Icelandair hafa varist allra frétta síðan fjölmiðlar greindu í gærkvöldi frá því að búast megi við umfangsmiklum uppsögnum hjá félaginu, en boðaðir hafa verið fundir með starfsfólki á morgun, þar sem væntanlega verður greint frá uppsögnum og öðrum aðgerðum.
Hækkun hlutabréfanna í Icelandair í morgun nam tæpum þrem prósentum, til viðbótar hækkun sem varð á föstudag. Frá áramótum hafði aftur á móti lækkun bréfanna numið um 45 prósentum.
Bjarni: „Útilokað að þetta geti gengið upp“
Skattamál verði líklega „þeirra mesta klemma“
„Mér finnst gamla Samfylkingin komin aftur“
Forstjóri bendir á ábyrgð birgja vegna verðhækkana
Þetta eru ráðherrar ríkisstjórnarinnar
Alvarleg netárás á Wise
Var engin kristnitaka árið 1000?
