Margrét Blöndal stýrir verslunarmannahelginni á Akureyri

Akureyrarstofa hefur samið við Margréti Blöndal fjölmiðlakonu um að taka að sér að stýra undirbúningi og hátíðarhöldum á Akureyri um verslunarmannahelgina.

Í fréttatilkynningu frá Akureyrarstofu segir: „Margrét mun leiða hóp hagsmunaaðila sem standa saman að því að bjóða til fjölskylduhátíðar í bænum. Markmiðið er að bjóða upp á ljúfa og skemmtilega hátíð og tengja hana sögu og bæjarbrag á Akureyri í ríkari mæli en verið hefur.

Margrét er að góðu kunn fyrir störf sín í fjölmiðlum um árabil hefur jafnframt komið að skipulagningu ýmissa viðburða í gegnum tíðina. Margrét hefur strax störf við skipulagninguna í samvinnu við Akureyrarstofu og fjölmarga aðila í athafnalífi á Akureyri, fyrirtæki, félög og einstaklinga."

• 5 blogg um fréttina

Bloggað um fréttina

• Brjánn Guðjónsson: Stofa
• Hlynur Hallsson: Frábært að fá Möggu Blöndal í verkið
• Benedikt Sigurðarson: Margrét Blöndal líkleg til góðra hluta . . . :Akureyri …
• Stefán Friðrik Stefánsson: Magga Blöndal stýrir hátíðarhöldum um versló
• Anna Guðný : Líst vel á þetta!