Benedikt lagður af stað yfir Ermarsund
Setja bókamerki
Benedikt S. Lafleur hóf sund sitt yfir Ermarsund, klukkan 06:43 að íslenskum tíma, frá Shakespeare Beach á Englandi í morgun. Guðni Haraldsson, sem er í fylgdarliði Benedikts, segir aðstæður góðar. Þó sé nokkur undiralda vegna vinds undanfarna daga en skipstjóri fylgdarbátsins telji þó að hún muni minnka er líður á morguninn. Þá séu aðstæður Frakklandsmegin mjög góðar.
Mun hann synda í átt til Calais í Frakklandi og stefnir að því að koma í land við Cap-de-gris-nez innan sólarhrings en sundið tekur yfirleitt 16 til 24 klukkutíma.
Um er að ræða aðra tilraun Benedikts til að synda yfir Ermarsund en þetta er í þriðja skipti sem hann heldur til Dover til að reyna við Ermarsundið. Í fyrsta skipti varð hann að hætta við sundið vegna veðurs.
Benedikt hefur helgað sundið baráttunni gegn mansali.
Var engin kristnitaka árið 1000?
Segir að verið sé að svindla á Bandaríkjunum
Það er ekkert partí án spurninga!
„Hagræðingarmál eru í fyrsta sæti“
Hrikalegt að heyra fréttirnar
Skattamál verði líklega „þeirra mesta klemma“