RÚV fækkar stöðugildum um 20

Stöðugildum Ríkisútvarpsins verður fækkað um 20 sökum halla á rekstri félagsins. Þetta kemur fram á heimasíðu RÚV.

Þar segir að Páll Magnússon útvarpsstjóri hafi skýrt frá þessu á starfsmannafundi í dag. Páll sagði að stjórnvöld hafi ekki staðið við þjónustusamning sem gerður var þegar Ríkisútvarpið var gert að opinberu hlutafélagi. Í samningnum segir að ríkið eigi að sjá til þess að framlag til Ríkisútvarpsins sé ekki minna en árið 2006.

Frá og með 1. ágúst munu afnotagjöldin hækka um 5 % en Páll segir þá hækkun gera lítið til að draga úr hallanum sem nemi um 460 milljónum króna. Til þess þyrftu afnotagjöldin að hækka um 20%.

Með því að fækka um 20 stöðugildi ásamt fleiri aðgerðum er ráðgert að spara rúmar 180 milljónir króna.

• 7 blogg um fréttina

Bloggað um fréttina

• Jenný Anna Baldursdóttir: Útvarp Reykjavík
• Kristján Hreinsson: Löngu kominn tími á að selja...
• AK-72: Nokkur sparnaðarráð til Palla
• Snorri Bergz: Uppsagnir hjá RUV
• Björgvin Guðmundsson: Mikill halli á einkahlutafélagi RUV
• Hafsteinn Viðar Ásgeirsson: Nú, dugði ekki að hækka launin hjá forstjóranum?
• Jóhannes Ragnarsson: Aðförin að RÚV er glæpur sem ber að stöðva