Sýningin World Press Photo var opnuð í dag

Ljósmyndasýningin World Press Photo opnaði formlega í Kringlunni í dag. Á sýningunni eru 185 myndir sem sýna flestir hliðar mannlegrar tilveru. Fréttaljósmynd ársins er bresk og sýnir hermann við neðanjarðarbyrgi í Afganistan.

Ólafur F. Magnússon, borgarstjóri, opnaði sýninguna og fulltrúi World Press Photo,  Erik De Kruij, flutti ávarp.

World Press Photo ljósmyndasýningin hefur verið sett upp á Íslandi í rúm tuttugu ár og er þetta fjórtánda skiptið sem hún er sett upp í Kringlunni. 

Fréttaljósmynd ársins var tekin af breska ljósmyndaranum Tim Hetherington fyrir Vanity Fair. Sýnir myndin hermann sem lætur sig síga niður á kant við Restrepo neðanjarðarbyrgið í Korengal dalnum í Afganistan í lok dags. Dalurinn var helsta átakasvæðið í baráttu Bandaríkjanna gegn íslömskum vígamönnum í Afganistan.

Að sýningunni hér á landi standa Morgunblaðið, Kringlan og auglýsingastofan Jónsson & Le'macks.

Sýningin, sem er á 1. og 2. hæð, verður opin á afgreiðslutíma Kringlunnar og mun standa yfir til 24. júlí.

Hér má sjá vinningsmyndirnar.

• 1 blogg um fréttina

Bloggað um fréttina

• Haraldur Bjarnason: Hvernig ætli hún hafi borið sig að við opnunina?