Vigdísarhús opnað í gær

Sólheimar héldu upp á 78 ára afmæli sitt í gær og var af því tilefni opnað nýtt þjónustuhús sem nefnt er í höfuðið á frú Vigdísi Finnbogadóttur, fyrrverandi forseta lýðveldisins, og nefnist Vigdísarhús.

Frú Vigdís Finnbogadóttir opnaði húsið formlega og Sigurbjörn Einarsson biskup blessaði það.

Í Vigdísarhúsi verður mötuneyti, bakarí, matvinnsla og skrifstofur. Það er 840 fermetrar að stærð og er önnur af höfuðbyggingum Sólheima.  Frú Vigdís hefur alla tíð verið mikill velgjörðarmaður Sólheima og gaf meðal annars eftirstöðvar kosningasjóðs síns á sínum tíma til eflingar starfsemi Sólheima og verður þess sérstaklega minnst við þessa athöfn.

Í dag er svo messa klukkan 14 í Sólheimakirkju þar sem sr. Eiríkur Jóhannsson þjónar fyrir altari og Garðar Cortes syngur.  Styrmir Gunnarsson fyrrverandi ritstjóri Morgunblaðsins mun prédika.

• 3 blogg um fréttina

Bloggað um fréttina

• Axel Jóhann Hallgrímsson: Til hamingju Sólheimar
• Guðrún Emilía Guðnadóttir: Yndislegur dagur að Sólheimun.
• Ómar Ragnarsson: Lýsandi fordæmi fyrir heiminn.