Leitað að ferðamönnum í dag

Björgunarsveitin Landsbjörg leitaði í dag að erlendum ferðamönnum sem létu lögreglu á Hvolsvelli vita af því að þeir sætu fastir í skafli. Fólkið fannst um sjö leytið, heilt á húfi, norðan Heklu.

Lögreglan á Hvolsvelli fékk símtal frá erlendum ferðamönnum um hálf tvöleytið í dag og sátu þeir þá fastir í snjóskafli utan vega.

Ferðamennirnir gátu ekki gefið upp nákvæma staðsetningu og fór björgunarsveitin Landsbjörg af stað til að leita mannanna. Fundust þeir heilir á húfi norðan Heklu um sjöleytið í kvöld.

Ferðamennirnir voru á illa útbúnum jeppling.

• 1 blogg um fréttina

Bloggað um fréttina

• Halldór Sigurðsson: Snjór ? og hér er sól !