Rýmt fyrir rétttrúnaðarkirkju

Fram­kvæmd­ir við Mýr­ar­götu eru í full­um gangi og í gær var unnið að niðurrifi þriggja húsa sem við göt­una standa. Stóðu þau á lóð sem rúss­nesku rétt­trúnaðar­kirkj­unni hef­ur verið út­hlutað, en líkt og greint hef­ur verið frá stend­ur til að byggja þar timb­ur­kirkju í rúss­nesk­um stíl.

Ráðgert er að kirkj­an, sem standa mun við Mýr­ar­götu 20, verði um tutt­ugu metr­ar á hæð og allt að eitt þúsund fer­metr­ar að flat­ar­máli.