Áhrif ferðamanna á refi rannsökuð

Nú stendur yfir athugun á áhrifum ferðamanna á hegðun refa í Hornvík á Vestfjörðum. Gert er ráð fyrir að nú sé umferð ferðamanna á svæðinu í hámarki. 

Fyrsti hluti athugunarinnar var í júní. Þá var valið greni sem vaktað er með mánaðar millibili og hegðun dýranna á þessum tímabilum borin saman. Til stendur einnig að fylgjast með greninu í ágúst.

Ester Rut Unnsteinsdóttir, líffræðingur, og Borgný Katrínardóttir, nemandi í líffræði við Háskóla Íslands, vinna að þessu verkefni sem Melrakkasetur Íslands tekur þátt í ásamt Rannsókna- og fræðasetri Háskóla Íslands, Bolungarvík og Fræðasetri HÍ á Húsavík og Selasetri Íslands, Hvammstanga. Þetta er undirbúningsrannsókn til að meta með hvaða hætti hægt er að mæla áhrif ferðamanna á villt dýralíf.

Í fyrstu ferðinni í júní var franska sjónvarpskonan Cecilie Xavier með í för ásamt kvikmyndatökumanni en þau voru á ferð um landið til að vinna efni í þáttaröðina „Guardians of Nature“ sem sýnd er í franska sjónvarpinu. „Þau höfðu m.a. heimsótt hreindýraslóðir á Austurlandi og Látrabjarg en voru sammála því að hápunktur ferðarinnar væri að fá að fylgjast með refarannsóknunum á Hornströndum, þó ekki væri á neinn annan hlut ferðarinnar hallað“, segir á vefnum melrakkasetur.is. 

• 3 blogg um fréttina

Bloggað um fréttina

• Anna Sigríður Guðmundsdóttir: Ferðamenn, fjórhjól og hreindýra-skyttur
• Le Betiz: Hvað með Snæfellsnesið?
• Snorri Bergz: Hafa ferðamenn slæm áhrif á dýralífið?